Nabahin ang reaksiyon ni Atty Doris Javier, Regional Vice President ug Vice-Chairperson sa Regional Tripartite Industrial Peace Council (RTIPC) Region 10 – Northern Mindanao, sa gipagawas nga 500 pesos Noche Buena Meal sa Department of Trade and Industry (DTI).
Misugilon si Atty Javier sa BOMBO RADYO nga mibati siya’g ka-insulto, kasuko, o naka-katawa sa ubos nga panglantaw sa kalihim sa DTI sa selebrasyon sa pasko sa mga pinoy.
Alang kaniya “insensitive” ang gipagawas nga budget meal sa ahensya tungod kay dili man regular nga adlaw ang selebrasyon.
Subli, namugos si Javier nga lisud na tuhuan nga musibo pa ang handa sa pasko sa 500 pesos ilabe na nga ginagmay ra ang pag uswag ang suhulan sa pribadong sektor, batok sa nagkamahal nga presyo sa mga pagkaon.
