Dili tugutan sa Armed Forces of the Philippines (AFP) ang laraw sa China nga magtukod sa “nature reserve” sa Bajo de Masinloc (Scarborough Shoal).
Gibutyag ni Rear Admiral Roy Vincent Trinidad, spokesperson sa AFP para sa West Philippine Sea, nga andam ang militar nga ipakita ang depensa aron dili kini mapaubos sa langyaw nga kontrol ang shoal.
Gikompirmar sa AFP nga nagfile na sa lig-ong protesta ang Department of Foreign Affairs (DFA) sa International Tribunal on the Laws of the Sea (ITLOS) aron mapugngan ang ambisyon sa Beijing Government nga subli-on ang militarisasyon sa Fiery Cross Reef ug Mischief Reef kaniadto.
Mahinumduman nga mipasidaan si kanhi Justice Antonio Carpio sa gobyerno nga posibleng gamiton ang “nature reserve” sa pagtukod sa monitoring station sa ilang militar batok Pilipinas
