Gipamatud-an sa Department of Trade and Industry (DTI) nga export quality ang mga produkto sa mga lubi sa Northern Mindanao.
Nunot kini sa opisyal nga pagbukas sa tolo ka adlaw nga Cocomor Christmas Fair, sulod sa dakung mall ning syudad, kagahapon.
Gibutyag ni DTI Regional Director Jess Abear nga ang kalihukan, nagsuporta sa tanan coconut-based MSMEs o micro, small, and medium enterprises nga maoy tigama sa mga by-products sa lubi sama sa pagkaon ug mga materyales.
Ning tuiga, ang tema sa coconut christmas bazaar mao ang “Celebrating Coconut, Championing Farmers”.
Sa maong aktibidad, gipasidunggan sa ahensya ang dakung kontribusyon sa mga nag-uma sa bukid tungod sa ilang gipa-ambit nga mga produkto sa lubi nga ila usab isip “tree of life”.
