Gibasura sa European Union ang mga pagsaway ni Tech Billionaire Elon Musk batok kanila.
Miingon si EU spokeswoman Paula Pinho nga bisan nagpakatag sa “crazy statement” si Musk, katungod gihapon niyang magpahungaw kay aduna may kagawasan ang tawo sa pagpamulong gikan sa iyang opinyon.
Apan, mipasidaan ang EU nga muhimo’g aksiyon kung kini muhatag sa dakung kadaut sa prinsipyo nga gihuptan sa ilang organisasyon.
Hisayran nga gipahamtangan sa €120 milyon si Musk tungod sa paglapas sa digital rules sa EU.
