Suportado sa Caritas Philippines sa panawagan nga i-abolish na ang National Task Force to End Local Communist Armed Conflict (NTF-ELCAC) sa nasud. Sa exclusive interview sa BOMBO RADYO, miingon si Most Rev. Gerardo A. Alminaza, D.D., presidente sa Caritas Philippines nga tungod sa kadako nga pondo nga gigahin sa NTF-ELCAC, posible kining maabusuhan, ilabe ang ilang kuwestiyonabli nga proseso sa reward system alang sa mga komunidad nga walay natala o nakapakunhod sa kaso sa communist insurgency sa ilang mga lugar. Hinoon, gitin-aw ni Alminaza nga dili kontra ang Caritas Philippines sa tinguha sa gobyerno alang sa programang pangkalinaw, apan gikondenar sa grupo ang sistema nga dali kay dali ra kini maabusaran ang paghatag ayuda, gawas pa sa ilang gipangusog nga hilaw nga hustisya.-
