Nag-viral sa social media ang ulahing minutos sa kinabuhi sa usa ka 13-anyos nga batang lalaki nga naningkamot pa nga makaginhawa human maubos ang sulod sa iyang oxygen tank sulod sa Mayor Hilarion Ramiro Sr. Medical Center.
Ang inahan nga si Mai Gen, nga nakasaksi sa tibuok panghitabo, mibangutan ug mibasol sa ka langay sa hospital staff sa paghatag og oxygen sa iyang anak.
Labihan ang kasakit sa pamilya human makita nga sa death certificate sa bata, rabies ang giingong hinungdan sa kamatayon imbes nga pulmonya nga mao unta ang tinuod nga kondisyon.
Kini nga discrepancy nakapukaw sa dakong kasuko ug pangutana sa publiko bahin sa proseso ug standard sa medical documentation sa maong hospital.
Ang inahan nagpahayag nga kini usa ka klarong kakulangan sa serbisyo ug responsibilidad sa mga medical personnel.
Kung subayon ang social media engagement sa viral video, daghang residente sa Ozamis ug Misamis Occidental ang nanawagan sa Department of Health (DOH) ug sa lokal nga konseho nga imbestigahan ang insidente.
Subay sa nahagdaw nga report sa BOMBO NEWS TEAM, paspas nga mitabang ang konseho sa barangay kung asa nagpuyo ang biktima lakip na ang wala nagpaila nga mga donors.
Sa pagkakaron, wala pa’y opisyal nga pahayag ang Mayor Hilarion Ramiro Sr. Medical Center bahin sa insidente.
Ang pamilya sa biktima nanawagan sa hustisya ug klarong tubag gikan sa mga otoridad.
Hisayran nga kini nga kaso nagpakita sa dili sayon nga kahimtang sa mga biktima nga kinahanglan sa mas lig-on nga polisiya ug aksyon aron masiguro nga ang mga pasyente, labi na ang mga kabataan, dili na mausab nga mabiktima sa kakulangan sa serbisyo medikal.
