Bisan pa sa daghang interbensyon sa gobyerno aron malikayan nga mausab ang kahimtang sa dakbayan sama sa nasinati sa bagyong Sendong, 14 ka tuig na ang milabay, aduna pa gihapon kakulangon sa pipila ka aspeto sa gipatuman nga proyekto ang gobyerno. Namahayag si Ganda Natural Farming System of the Philippines, Inc., Founder, Luz Antiza Denuyo, kulang sa hugot ug halapad nga education campaign ang mga anaa sa hinterland nga bahin sa syudad. Nagtoo si Denuyo nga kasagaran sa mga surilan sa baha nagsumikad sa kabukiran o taas nga bahin sa lungsod ug ang mag-antos mao ang mga namuyo sa ubos nga bahin sa komonidad. Tungod niini, nanawagan si Denuyo sa mga concerned agencies sa gobyerno, lakip na ang Department of Education (DepEd), nga bisitahon ug tutokan ang mga hinterland barangays aron palapdan ang pag-edukar kanila sa importansya sa pagprotiher sa kinaiyahan batok kalamidad
