Nasabtan ni Kanhi City Mayor Oscar Moreno ang gipas-an nga kurus sa namatay nga kanhi kalihim sa Department of Public Works and Highways (DPWH). Namahayag si Atty Moreno nga nagkalisud sa pagbutyag sa iyang nahibaw-an si kanhi DPWH Usec Catalina Cabral kay nasayud siya nga daghang mga elitista, kontratista, ug politiko ang iyang mabulgar nga posibleng utok sa lapad nga kickback sharing sa mga proyekto sa ilang buhatan. Busa taas ang tsansa nga mas gipili niyang ihilom ang tanan agig protekta sa iyang pamilya, kun tinood ang mga hungihong nga nakadawat na siyag mga hulga sa kinabuhi. Una niini, sa pagbiya ni Cabral sa iyang opisina, gikatingala sa media kung nganong gikordon ang iyang opisina ug lisud ang pag access sa mga public documents nga hawid sa iyang debisyon.
