Nasikop na sa mga awtoridad si Chen Zhi, usa ka kanhi respetadong negosyante sa Cambodia nga giingong utok sa dagkong online scam ug ilegal nga sugal.
Sa maong nasud, nailhan siya tungod sa iyang charity, mga donasyon sa gobyerno, ug suod nga koneksyon sa mga lider sa Cambodia.
Apan, sumala sa mga awtoridad sa China ug Estados Unidos, gigamit ra niya ang iyang negosyo aron tabunan ang kriminal nga kalihokan nga nakabiktima sa mga tawo sa tibuok kalibutan.
Ang iyang kompanya nga Prince Holding Group nalambigit sa money laundering, online gambling, ug “pig butchering” scams.
Karon, gidala na siya sa China ug giila kini isip dakong kalampusan sa internasyonal nga kooperasyon sa pagpatuman sa balaod. (Jane Mae Abulag)
