Kasuhan na sa kapolisan sa pagpanulis ang tulisan nga nakalutahan ayha nadakpan sa Osmeña Street ning syudad sa miaging semana.Sumala ni COCPO Spokesperson PCAPT Emilita Simon, base sa inisyal nga imbestigasyon sa kapulisan, migawas nga mga miyembro sa giilang Martilyo Gang ang nadakpang suspetsado ug ang iyang kauban nga nakaikyas. Apan sa ilang pakighinabi sa nadakpan, miangkon kini nga gibuhat niya ang krimen tungod sa panginahanglanon sa kwarta. Gipadayag usab ni Simon nga adunay warrant of arrest ang suspetsado sa kasong murder, lakip ang laing warrant of arrest alang sa evasion of sentence.Una niini,nasuta nga residente sa Misamis Occidental ang dinakpan apan Iligan City ang iyang gidala nga address diin siya nabawian sa kalibre 45 nga armas.Sa pagkakaron, padayon pa ang ginahimong pag-locate sa kapulisan sa kauban sa suspetsado nga nakaikyas atol sa pagdakop
