Padayon ang negosasyon tali sa US ug Iran.
Sumala ni Iranian Foreign Minister Abbas Araghchi, gi-rebyu na sa duha ka kampo ang sugyot nga gisumiter sa Estadus Unidos.
Apan mipasabot si Araghchi nga kung ipugos sa US ang hulga sa pag-atake, dili usab sila magduha-duha nga motubag ug tupngan kini.
Giandam usab ang personal nga pakigkita uban sa US special envoy Steve Witkoff.
Nahinumdoman nga miabot na sa kapin 500 ka mga nagprotesta ang namatay tungod sa dagkong demonstrasyon sa Iran.
Sa laing bahin, si US President Donald Trump miingon nga gusto usab ang Iran nga makig-istorya kanila tungod kay dili sila gusto nga mu-awas ang daghang dugo sa Iran.
