Gi-relib na isip station commander sa Puerto Police Station si Police Major Amanollah Bantuas, kagahapon. Personal nga gisusi ni COCPO City Police Director Colonel Dexter Paje ang crime scene kundiin, iyang napamatud-an nga naguba sa mga nakapuga ang “lock” sa ilang selda. Miingon si Paje nga panguluhan una ang istasyon sa ilang Deputy Officer samtang naka-floating ang status ni Major Bantuas tungod sa maong kaso. Una niini, gika-alarma ni Col Paje ang hitabo ug dinaliang gimando ang pagsusi sa tanan police minicell aron dili na masubli ang hitabo. Si Paje miingon nga posibleng pasakahan sa kasong administratibo sama sa neglegience of duty ang narelib nga komandante.
