Mi-angkon si Misamis Oriental Special Assistant to the Governor Celso “Popoy” Abucejo nga nakuratan sila, lakip ang tanang mga empleyado sa Kapitolyo Probinsyal, sa gi-aprobahan nga amendment budget alang sa tuig 2026.
Miingon si Abucejo sa Bombo Radyo nga tungod kay wala na-aprobahan ang gi-propose nga 4.5 bilyong pesos budget sa Gobernadora, ug mikunhod kini sa 3.3 bilyong piso nga giaprobahan sa Sangguniang Panlalawigan, ma-apektuhan ang ubang serbisyo ug mga programa nga giplano sa probinsyal nga kagamhanan.
Anaa sa kapin 1.2 bilyong pesos ang natangtang sa gisugyot nga budget, nga unta gi-alokar sa mas lapad nga serbisyo ug mga programa sa Kapitolyo karong tuiga. Gikasubo sa kampo sa gobernador ang gibuhat sa SP Board sa Misamis Oriental.
