Gikondena sa Armed Forces of the Philippines (AFP) ang pahayag sa Chinese Embassy nga kuno ang Pilipinas maoy nagkontrol sa “escalation” sa West Philippine Sea. Sumala sa AFP ug Department of National Defense (DND), kini usa ka “malicious narrative” ug disinformation nga nagmisrepresent sa tinuod nga posisyon sa Pilipinas. Gipanghimakak nila nga ang depensa sa mga mangisda-ayng Pilipino ug sa Exclusive Economic Zone (EEZ) dili eskalasyon, kundili lehitimong katungdanan sa estado. Ang AFP misulti nga sa matag Mutual Maritime Cooperative Activity (MMCA), adunay presensya sa mga barko sa China nga ilang giinterpretar isip pagpanglimbong ug pagpangdaut. Gipanghimakak usab nila ang pasangil nga ang Pilipinas mao’y nagpalala sa tensiyon, ug giingon nga ang agresibong lihok sa China Coast Guard ug maritime militia vessels mao’y tinuod nga hinungdan sa risgo sa eskalasyon. (JANE ABULAG)
