GISAWAY ni Senator Sherwin Gatchalian ang Department of Education (DepEd) mahitungod sa wala pa nangatuman nga saad sa ahensya nga magpagawas sa bag-ong guidelines alang sa pag-resolba sa dugay na nga Suliran bahin sa Senior High School voucher program.
Hisayran niadtong tuig 2024 pa nag-presentar ang komite sa mga rekomendasyon alang sa pagtaod sa programa diin lakip niini ang pagpagawas sa klaro nga palisiya apan hangtud karon wala pa gihapon kini natuman sa DepEd.
Dugang pa ni Gatchalian wala nila gipadali ang ahensiya, og taas na ang gihatag nga panahon aron masulbad kini nga isyu bisan wala pa kini ma aksyoni.
Matod sa maong Senador kinahanglan sa katawhan ang klaro nga aksyon ug dili lang puro saad. (Phillip Ariata)
