GIAWHAG ni Senadora Risa Hontiveros si kanhi House Speaker Martin Romualdez nga mutambong sa Senate Blue Ribbon Committee ‘hearing’ alang sa pagtubag sa mga alegasyon batok kaniya.
Subay kini sa pagtunga sa duha ka bag-ong witness diin gibutyag nga mipalit sa balay si Romualdez pamaagi sa kontratista’ng magtiayon nga Discaya.
Sumala kang Hontiveros nga gihatagan nila sa tsansa si Romualdez nga atubangon ang mga alegasyon alang sa nagpadayon nga imbestigasyon nga nalambigit sa flood control project anomalies.
Mahinumdumang una nang gi-imbitahan ang kanhi House Speaker nga mutambong sa Senate Blue Ribbon Committee ‘hearing’ mahitungod sa parehong isyu niadtong tuig-2025 apan wala kini mitunga. (Phillip Ariata)
