Gipasakaag reklamo ni Atty. Marvin Aceron batok si Senate Deputy Majority Leader ug Ethics Committee Chair Senador JV Ejercito tungod sa giingong grabe nga pagpabaya sa iyang katungdanan human wala niya aksyuni ang reklamo batok kang Senador Francis “Chiz” Escudero.
Giingon ni Aceron nga kapin na sa 109 ka adlaw sukad gisumite ang reklamo apan hangtod karon wala pa gihapon aksyon, lakip na ang paghatag og case number o bisan abiso.
Mitug-an si Ejercito nga nadawat niya ang reklamo apan iyang gipasabut nga dili pa mahimo ang pagdinig kay wala pa hingpit nga nabuo ang komite.
Iyang gipasabot nga sundon sa Senado ang mga lagda ug due process ug ang mga kaso pagadunggon base sa pagkasunod sa pag-file kon kompleto na ang komite.
Ang reklamo batok kang Escudero naglakip sa ₱30 milyon nga campaign donation nga iyang nadawat niadtong 2022 gikan sa kontratista nga si Lawrence Lubiano.
Gipasalig ni Escudero nga legal ug gi-deklara ang maong donasyon ug sa Nobyembre 2025 gi-clear na sila sa Political Finance and Affairs Department (PFAD) sa Commission on Elections human masuta nga lahi nga legal entity si Lubiano ug ang iyang kompanya.
Sa Omnibus Election Code, gidili ang political donations gikan sa mga kontratista sa gobyerno.
