Ania ang tipik sa live Press Conference sa nadakpan nga mga illegal miners sa Opol Misamis Oriental.
Ang press briefing gipanguluhan ni Presidential Anti-Organized Crime Commission (PAOCC) Executive Director ug under secretary Benjamin Acorda Jr, kuyog ni Police Regional Office 10 Director Christopher Abrahano, ug Opol Municipal Mayor Jay Bago.
Gipahigayon ang briefing sa Opol Municipal Hall, karong hapon.
Tipik sa nahisgutan ang malampusong pagsikop sa laing duha ka Chinese nationals nga nangunay pagmina sa usa ka sityo sa nasampit nga munisipalidad.
Lakip sa nadakpan ang ilang mga trabahanteng pinoy nga kakunsabo sa krimen.
Mahinumduman nga sa miaging semana, laing Chinese nationals mga ilegal miners ang nadakpan sa Surigao City.
Niadtong Hulyo, 2025 laing 7 ka Chinese nationals (5 lalaki, 2 babaye) sa Brgy Tingalan Opol.
Nakumpiskar kanila anf hydraulic excavators, wheel loader, carpet/matting, washed sand, water pump ug hose.
Mubalor sa P18.9 milyon ang kinatibuk-ang kantidad sa narekober nga nga kagamitan sa pagmina-mina.
Maoy nagdumala sa operasyon ang Police Regional Office–Northern Mindanao (PRO-10) kauban ang maritime police, environmental officials, ug Opol Municipal Police.
Subay sa report ang mga dinakpan misulod sa Pilipinas gamit ang ilang tourist visa.
Napasaka na ang kasong paglapas sa Philippine Mining Act (RA 7942).
