Andam mutestigo si resigned Ako Bicol Party-list Representative. Zaldy Co sa impeachment complaint batok kang Presidente Ferdinand Marcos Jr.
Mismo ang grupong “imPeach” ang namahayag nga andam si Co nga musulti sa iyang nahibaw-an kay ang presidente kono ang pinaka-ulo sa Flood Control Corruption Scandal sa Department of Public Works and Highways (DPWH).
Namahayag si kanhi Congressman Mike Defensor nga mahimo daw siyang motestigo pinaagi sa teleconference.
Lakip sa i-presentar nga ebidensya mao ang 2025 national budget nga permado ni Marcos, kuyog ang giingong “kidnapping” ug pagpariso sa International Criminal Court kang kanhi Presidente Rodrigo Duterte sa The Hague, Netherlands.
Mahinumduman nga si Co ANG nagsilbing chairman sa House Committee on Appropriations, apan nagresign niadtong Septyembre 2025 tungod sa paglaglag sa iyang ngalan sa imbestigasyon sa flood control anomaly.
