DOS-MILYONES PESOS ang narekober nga shabu gikan sa duha ka drug personalities nga nadakpan sa kapulisan sa Misamis Oriental Provincial Police Office (MOPPO), sa gipahigayong drug buybust operation sa Opol Misamis Oriental.
Giila ni MOPPO Spokesperson PCAPT Geraldine Botanas ang mga dinakpan nga sila alias “Joed,” 43 anyos, ug alias “Jan,” 46 anyos, mga residente sa lungsod sa Cagayan de Oro City.
Narekober sa ilang posisyon ang unom ka pakete nga gituohang adunay sulod nga shabu.
Mitimbang kini sa 300 grams busa ang street value misaka pa sa 2.4 milyon pesos. Paslak na sa prisohan ang duruha ug kagahapon, nadala na sa piskalya tungod sa kasong paglapas sa Sections 5 ug 11, Article II sa Republic Act 9165 o Comprehensive Dangerous Drugs Act of 2002 ang mga suspetsado.
