Mi-aginod na sa bag-ong international tennis tournament ang Pinay tennis player nga si Alex Eala human sa iyang kapakyasan sa TWA 125 Philippine Women’s Open. Gitakdang mudula ang 20-anyos nga Pinay sa Mubadala Abu Dhabi Open.
Kini nga klase nga tournament salmutan gihapon sa mga banggiitan nga mga tennis players sa tibook kalibutan ubos sa Women Tennis Association (WTA) 500 tournament.
Magsugod ang maong torneo sa Pebrero-1 hangtod Pebrero-7, 2026.
Uban sa mga dagkong ngalan ug world-class tennis star nga mokompetensya sa torneo mao sila Leylah Fernandez (Canada), Maya Joint (Australia), Victoria Mkobo (Canada), kasamtangang Australian Open finalist Elena Rybakiba ug uban pa.
Kung balikan ang katapusang dula ni Alex sa Philippine Tennis Open niadtong Enero-30, napakyas kini nga mapukan ang Colombian nga kontra nga si Camila Osorio aron unta makasulod sa semifinals sa maong torneo.
Sa pagkakaron, gunitan gihapon ni Eala ang ika-49 nga puwesto sa Women Tennis Association
