Gikompirmar sa Land Transportation Office Regional Office 10 nga gipatawag sila sa 21st City Council aron mukooperar sa petisyon nga dakpon ang mga sakyanan nga makahatag sa kasamok tungod sa sobrang ka banha. Miingon LTO-10 Public Information Officer Nanding Flores nga namugna ang composite team nga gipanguluhan sa Cagayan de Oro City Police Office, dinuyugan sa Roads and Traffic Administration, LTO ug mga barangay LGUs aron masanta ang mga motor nga nagpataud sa sobra ka banha nga tambutso o modifeir muffler.

Hinoon, gitin-aw ni Flores nga dugay na nangdakop ang ilang opisina sa maong klase sa sakyanan, apan, daku ang matabang sa composite team aron mapitol na ang mga badlungon nga nakasupak sa lagda sa trapiko. Nalipay ang LTO-10 kay nangusog ang Mayor sa syudad nga kini masanta kay nasayud sila nga ang ilang ahensya kulang sa mga enforcer ug nagsalig lamang sa sila sa ilang deputized officer gikan sa Philippine National Police Highway Patrol Group o HPG. Maoy dakpon sa LTO ang kadtong mga motor nga nagpadagan sa ilang sakyanan nga kargada ang modified tambutso nga sobra sa 99 decibels ang kabanha. Ang tanan madakpan mag-atubang sa monetary fine nga singko-mil pesos ug pagka-impound sa ilang sakyanan.-