Mudawat gihapon ang Philippine Statistics Authority (PSA) sa mga concern kabahin sa PhilSys National ID, lakip ang nawala nga ID, pagpaayo sa sayop nga spelling sa pangalan, ug pagpailis sa litrato sa National ID.
Gipahibalo ni PSA–Regional Statistical Services Office X Chief Administrative Officer Jose Tuason sa iyang interbyu sa Bombo Radyo nga ang mga fixed registration centers sa PSA padayon nga nagproseso sa maong mga concern.
Matod ni Tuason, lakip kini sa mga serbisyong ilang ginadawat ug ginahimo. Giklaro usab ni Tuason nga adunay minimal nga bayronon ang pipila sa maong serbisyo aron ma-avail sa katawhan.
adayon usab ang rehistrasyon sa PSA alang sa mga katawhan nga wala pa marehistro sa PhilSys, ug giawhag sa buhatan ang publiko nga mo-avail sa National ID, nga usa ka bililhong identipikasyon alang sa matag Pilipino. (James Oliver)
