Gitutuka’g maayo sa Office of the Civil Defense kuyog ang mga barangay, city, ug munipality-LGUs ang posibleng epekto sa Bagyong Basyang nga kompirmadong mu-agi sa Northern Mindanao. Namahayag si OCD-10 Regional Director Antonio Sugarol nga milusad sila sa duha ka Pre-Disaster Risk Assessment, kagahapon ug kagabie, uban ang mga disaster response team sa rehiyon kay adunay dakung impact ang bagyo sa Bukidnon, Camiguin, ug Misamis Oriental.
Dugtong niini, nanawagan si Sugarol sa mga ginikanan nga hipuson una ang mga bata batok sa pagligo sa suba kay posibleng kusog ang sulog epekto sa pagbubo sa tubig ulan ug baha. Iya usab gi-awhag ang mga residente nga anaa sa low lying areas nga kung mahimo mubolontaryo nalang sa pagbakwit. Sa katapusang, gi-awhag sa OCD nga mamati sa BOMBO RADYO alang sa dugang update sa Bagyong Basyang kay sulod sa wind signal no. 1 ang Misamis Oriental kung asa napailawom ang syudad sa Cagayan de Oro. Mi-anunsyo usab ang OCD sa mga travel warnings sa kadagatan ug sa tugpahanan ning adlawa.
