Activated na ang emergency operation center sa Cagayan de Oro City – LGU.
Kini ang gibutyag ni City Information Office Chief Jude Adecer human giisa ang wind signal no.1 sa Misamis Oriental tungod sa Bagyong Basyang.
Namahayag si Adecer nga data-base driver ang ilang mga impormasyon nga ipagawas gikan sa weather report sa CDRRMO official fb page, ug Incident Management Team o IMT.
Kun ugaling mububo ang kusog nga ulan ning adlawa, insigida ilang idispatch ang ilang rescue teams alang sa forced evacuartion, paghatag sa relief goods, ug pag-alerto sa mga barangay aron malikayan ang kadaot.
Miingon si Adecer nga samtang wala pay ulang mas maayo ang pre-emptive evacution sa mga lugar nga sagad bahaon ug muduol lang sa ilang barangay hall aron sila matabangan nga mahiluna.
