Gipangulohan ni Presidente Ferdinand Marcos Jr., ang inter-agency meeting sa Malacañan Palace aron hisgutan ang preparasyon sa Pilipinas isip ASEAN Chair sa 2026, didto sa Malacanang Hall, niadtong Pebrero 2.
Ning tuiga, gisingil ni Marcos ang matag ahensya nga magpresentar sa ilang prayoridad nga plano nga naglangkob sa paghimo’g trabaho o job generation plan, kuyog ang pagsuporta sa gagmay nga negosyo (MSME’s), pagpalig-on sa digital nga serbisyo, ug pagpalanog sa mga programang nakasentro sa katawhan.
Sa maong miting, gipamugos sa Presidente nga ang “chairship” kinahanglan maghatag sa klaro nga benepisyo dili lang sa mga Pilipino, apan usab, sa tibuok rehiyon sa Association of Southeast Asian Nations (ASEAN) o ASEAN.
Laraw usab ni Marcos nga ipahibalo sa ASEAN members ang pagpaningkamot sa gobyerno sa kalambuan sa Bangsamoro Autonomous Region in Muslim Mindanao (BARMM) ilabi na sa umaabot nga BIMP-EAGA Summit.
Masaligon ang Marcos administration nga mulampos sa paghost sa ASEAN Summit ug related summits sa Mayo, Hulyo, Oktobre ug Nobyembre.
Gihimo ang pagpulong sa presensya nila Executive Secretary Ralph Recto, Foreign Affairs Secretary Theresa Lazaro, Trade Secretary Ma. Cristina Roque, ug Social Welfare Secretary Rex Gatchalian nga mitambong sa pulong aron ipresentar ang ilang kontribusyon sa plano.
Ang Presidential Communications Office nagpahibalo nga 100 porsyento nang andam ang nasud sa pag-host sa ASEAN 2026 Summit.
