GIPAHIMANGNOAN ang katawhan sa syudad sa posibilidad sa leptospirosis human sa pagbaha sa pipila ka lugar sa Cagayan de Oro.
Sumala ni Dr. Rachel Dilla, hepe sa City health Office, ang baha mahimong hinungdan nga mataptan sa sakit ang mga katawhan kung adunay mga ilaga nga infected nga nalumos o nangihi sa tubig baha, nga delikado sa panlawas.
Tungod sa risgo sa panlawas, giabisohan sa City Health Office ang publiko nga mudalikyat sa mga health centers sa ilang barangay kung naka-lusong sa tubig baha o adunay samad, aron matuman ang doxycycline prophylaxis, usa ka tambal nga mapugngan ang impeksyon sa leptospirosis.
