CAGAYAN DE ORO CITY – Gipaubos na sa inquest proceedings sa National Bureau of Investigation 10 ang upat ka Chinese nationals ug 20 ka local workers sa city prosecutors’s office sa Malaybalay,Bukidnon.
Kini human unang nadakpan ang suspected illegal miners sa NBI operatives ubos sa koordinasyon sa Libona Municipal Police Station sa usa ka minahan sa Brgy Gango,Libona.
Namahayag si NBI 10 Executive Officer for Operation Special Investigator Nolan Gadia sa Bombo Radyo nga gisang-at nila ang kasong pagsupak sa Philippine Mining Act of 1995 batok sa mga dinakpan sa piskalya ning adlawa.
Una niini,nasuta nga walay igong mga legal nga papeles ang upat ka Intsik rason nga laing mga kaso ang ipasaka nila niini.
Dumduman nga nabawian sa kagamitan sa illegal mining operations ang mga dinakpan ingon man sa ubay-ubay’ng nahabwa na nga minerals diin may pasiunang sumada nga dili mo-ubos sa 30 milyones pesos.
Hisayrang ang lungsod sa Libona sa Bukidnon ang ilado nga adunay ‘minahan ng bayan’ sa Northern Mindanao region.
