Gisiguro sa Malacañang nga motindog ang Pilipinas nga lig-on apan diplomatiko sa pag-atubang sa China, bisan pa sa mas-isug nga tono sa pahayag sa Chinese Ambassador.
Sumala kang Palace Press Officer Claire Castro, klaro ang direktiba sa Presidente nga protektahan ang soberanya ug katungod sa West Philippine Sea gamit ang legal ug diplomatiko nga mga proseso.
Gipadumdum ni Castro nga dili kinahanglan nga suklan dayon ang agresibong pahayag, kay mas epektibo ang pormal ug hapsay nga paagi sa pag-resolba sa isyu.
Giinsistir usab sa Palasyo nga dili “push-over” ang Pilipinas ug magpadayon sa lig-on nga baruganan sa pagpanalipod sa nasudnong interes. (Phillip Ariata)
