Gi-kondinar sa Malacañang ang pahayag sa abogado ni kanhi Presidente Rodrigo Roa Duterte nga si Nicholas Kaufman.
Nunot kini sa iyang walay pagduha-duha nga paglakmit sa iyang ngalan nga namakak sa iyang makigkoordinar sa International Criminal Court ( ICC).
Gikastigo ni Palace Press Officer Atty Claire Castro ang pagdaut ni Kaufman sa kredibilidad sa president.
Lakip sa gisupak sa palasyo ang giingong adunay tawag sa telepono nga nadawat, ug gipanghambog nga mag-pagawas sila sa mga saksi aron daoton si Duterte. Alang kang Castro, dakung binuang ang alegasyon ni Kaufman.
Namugos si Castro nga inay ang kliyente, ang legal counsel niini ang problematic.
Una niini, gisaway ni Castro ang pagka-abogado ni Kaufman kay dili tataw ang iyang pagdepensa kang Duterte ug walay lig-ong pang-alkontra sa nagbaha nga pasangil sa extrajudicial killings nga nahitabo panahon pa sa iyang pagsilbing mayor ni Duterte sa Davao City hangtud sa mipungko kini isip presidente sa nasud sa tuig 2016.
