Gitug-an ni City Psychologist Rio Rosal Baliling nga nagsaka ang ihap sa mga babaye nga nagbaton sa mental health problems.
Kini tungod kay kasagaran sa ilang marespondihan o mahinabi sa telepono pulos mga young adults ug mga hamtong nga nagbaton sa emotional nga suliran.
Kini nga klase nga suliran maoy nagpasamot sa mental health crisis sa usa ka tawo.
Gawas niini, daghang kababaihan usab isip nanay, breadwinner, solo parents, mga dalaga ug magtutungha sa kolehiyo ang mabun-og sa suliran sa pinansyal, kagubot sa pamilya, pagkabuak sa relasyon, bullying sa tunghaan, ug VAW-C.
Gani, aduna pa silay mga gi-counsel nga usa lamang ka tawo, apan nagbaton sa tanan klase sa suliran anaa kaniya.
Kini ang rason nga iyang gi-awhag ang mga ginikanan, mga higala ug bisan ang mga classmates nga mangumusta sa ilang mahal sa kinabuhi nga nagpakita sa senyales sa pagkahuyang sa ilang desisyon o nagpadayag na mga maghikog.
