Gipanghimakak ni National Security Adviser Eduardo Año ang mga pasangil nga nakadawat siya sa “paper bag” nga adunay kwarta gikan kang kanhi Ako Bicol Representative Zaldy Co ug gihatag kini sa ubang opisyal sa gobyerno.
Namahayag si Año nga wala siya nakadawat sa bisan unsang pakete ug wala usab siya mitambong sa miting uban nila kanhing House Speaker Martin Romualdez, Zaldy Co, ug Mamamayang Liberal Partylist Representative Leila de Lima.
Gitawag Año nga bakak ang mga akusasyon ug giingon nga dili siya mopasagdan nga dungaban ang iyang reputasyon.
Gi‑andam na usab sa iyang legal team ang angay nga aksyon samtang gi‑awhag ang publiko nga magpabilin nga mabinantayon batok sa sayop nga impormasyon. (Phillip Ariata)
