Nangayo na’g pasaylo si Quezon City 4th District Representative Bong Suntay sa publiko human sa daghang pagpangbasol nga iyang nadawat tungod sa sekswal nga pasumbingay nga iyang gigamit kang Anne Curtis atol sa impeachment hearing batok ni Bise Presidente Sara Duterte.
Giangkon sa kongresista nga sayop ang iyang pagtandi ug mas maayo unta kung adunay mas husto nga paagi sa pagpadayag sa iyang punto.
Mahinumduman nga iyang gigamit ang example sa “desire” alang sa aktres ug TV host nga si Anne Curtis aron ipasabot ang konsepto sa “imagined threat” ni VP Sara Duterte batok ni Presidente Ferdinand Marcos Jr.
Human sa maong higayon, midawat si Suntay sa negatibong reaksyon sa publiko ug miingon nga andam siyang mosunod sa bisan unsang aksyon sa Kamarabaha kon adunay ethics complaint nga ipasaka batok kaniya. (Phillip Ariata)
