Gimando ni Philippine National Police (PNP) Chief General Jose Melencio Nartatez Jr., nga ipakusog ang security operations sa tibook Pilipinas.
Nunot kini sa posibleng pagsi-aw sa mga threat groups sa Northern Mindanao nga posibleng konektado sa kalihukan sa Middle East.
Namahayag si Police Regional Office-10 Director Brigadier General Christopher Abrahano nga kini maoy nag-unang mando-direktiba sa Chief PNP aron mababagan ang tanan klase sa pagsulay sa bu-ak sa kalinaw sa mga komonidad.
Una niini, gitin-aw ni Abrahano nga dili lang limitado sa mga molopyo sa rehiyon ang gibantayan sa kapulisan apan, lakip na ang mga langyaw’ng turista aron mapaniguro ang kalinaw sa rehiyon.
Dugtong niini, gimanduan usab ni Abrahano ag tanan komandate sa mga istasyonan sa pulis nga magdaginot sa gamiton nga enerhiya ug lana, kay usa ang Pilipinas nga makasinati sa bug-at nga krisis kung grabe ang pagsaka sa presyo sa lana sa World Market.
