Miapilar si Senadora Risa Hontiveros nga gawas sa suspensyon sa excise tax sa lana, kinahanglan usab ang usa ka supplemental budget aron matubag ang krisis sa padayon nga pagsaka sa presyo sa lana tungod sa giyera sa Middle East.
Pinaagi niini direkta nga fuel subsidy alang sa mga drayber sa Public Utility Vehicles (PUV) ang maapud.
Makatabang usab kini sa apektadong sektor sa agrikultura sama sa mga mag-uuma ug mangingisda nga nagkinahanglan sa fertilizer sa taliwala sa taas nga gasto sa produksiyon.
Gipamugos ni Hontiveros nga ang pondo makatabang usab sa repatriation efforts sa gobyerno nga naapektuhan sa sigalot sa nasangpit nga rehiyon.
Gisaad sa senador nga suportahan ang labing huyang nga sektor ning panahon sa krisis.
