Gipahibalo ni Presidente Ferdinand Marcos Jr. nga ang maayong relasyon sa mga international oil suppliers usa ka dakong tabang sa kasigurohan sa suplay sa enerhiya sa Pilipinas.
Dako usab ang papel sa lokal nga produksyon, sama sa bag-ong nadiskubreng natural gas sa Malampaya area, lakip ang Malampaya East-1 ug Camago-3 wells nga giingong adunay mas dagkong reserba kumpara sa naunang mga balon.
Tungod niini, gilauman nga mapalugway pa ang operasyon sa Malampaya ug makatabang sa paghatag og dugang kuryente sa nasud.
Sa kinatibuk-an, gisiguro sa gobyerno ang padayon nga pagpangita og mga solusyon aron mapalig-on ang suplay sa enerhiya sa Pilipinas. (by Jane Abulag)
