Nagpagawas si Senator Imee Marcos sa usa ka emosyonal nga mensahe atol sa Semana Santa diin siya nangayo sa pasaylo sa ilang amahan nga si kanhing Pangulong Ferdinand Marcos Sr tungod sa kakulangan sa pag-atiman sa iyang igsoon nga si Presidente Ferdinand Marcos Jr.
Sa iyang video message, sumala sa senadora nga kanunay ginapadumdum sa ilang amahan nga kinahanglan sila nga magtinabangay ug mosuporta isip mga igsoon, apan iyang giangkon nga wala niya kini natuman.
Gibutyag usab ni Sen. Marcos nga adunay mga tawo nga nagbabag ug nagpasipala sa ilang relasyon nga nakapagrabe sa ilang dili pagkasinabtanay sa dugay nga panahon.
Tungod niini, iyang giangkon nga nakasinati siya sa kakulang ug dakong pagmahay. (by Phillip Ariata)
