Kooperasyon ug pagsinabtanay ang abiso sa Task Force Oro tali sa tanan gustong musulod sa managlahing pilgrimage sites sa lungsod sa Cagayan de Oro.
Kini ang gibutyag ni Task Force Oro commanding officer Colonel Manuel Estanilla human mi-abante na ang ilang tropa sa ilang tagsa-tagsa ka mga lokasyon sama sa paghatag seguridad sa Malasag Hills, ug Our Lady of Guadalupe Shrine.
Gipamahayag ni Estanilla nga nagpagawas na daan sa abiso ang lokal nga kagamhanan sa syudad kalabot sa mga butang nga dili angayan buhaton sa mga sagradong lugar ilabe na nga dili malikayan ang mga tawong gapaniid, inay manaad.
Aron maseguro nga luwas ang ipahigayon nga pagpamalandong nagmuntar sa hugot nga security measures ang mga otoridad dinuyugan sa mga miyembro sa Cagayan de Oro City Police Office (COCPO), ug sa City Disaster Risk Reduction and Management Department (CDRRMC) nga maoy responsable sa medical nga emerhensiya.
