System overhaul ug pagluwat ni Presidente Ferdinand Marcos Jr ang dinaliang sulosyon aron masulbad ang krisis nga kasamtangang nasinatian sa Pilipinas karon. Kini ang gibutyag ni Atty Rhobert Maestre, Board Director sa IBP Misamis Oriental Chapter.
Sa interbyu sa BOMBO RADYO, miingon si Maestre nga kung tinuod nga seryoso ang Presidente sa pag-ayo sa sistema, kinahanglan ipakita niini ang iyang political will, aron mapatuman ang hustisya ug accountability sa mga alegasyon sa korapsyon ug uban pang iregularidad sa gobyerno.
Nagtuo si Maestre nga ang boluntaryo nga pagkanaug ni Marcos makahatag kaniya sa bag-ong direksyon ug mapasig-uli ang pagsalig sa katawhan.
