Gipamugos ni Palace Press Officer USec. Claire Castro nga ang mandato sa Armed Forces of the Philippines (AFP) mao ang pagsilbi sa katawhan segun sa mando sa balaod ug dili sa interes sa bisan unsang pamilya nga gustong makuha’g gahum.
Miingon si Castro nga posibleng “frustrated” ang pipila ka kaalyado nga gustong mapasipa si Pangulong Ferdinand Marcos Jr. aron ipapungko si Bise Presidente Sara Duterte, apan wala kini magmalampuson.
Gitin-aw ni Castro nga dili mahimong magsulti ang Bise Presidente para sa tibuok hanay sa AFP, nga iyang gihulagway nga propesyonal sa ilawom sa pagpangulo ni Defense Secretary Gilberto Teodoro Jr. ug AFP Chief Romeo Brawner Jr.
Nanawagan usa kinj sa kasundaluhan nga magpabilin nga “loyal”, walay gipaboran, ug unahon ang interes sa nasud, ilabi na sa isyu sa West Philippine Sea.
Gipahimangnoan usab ni Castro ang mga sundalo nga dili mag limbong sa mga tawo nga adunay kaugalingong interes sa gahum.
