Gikumpirma ni 4ID Commander Brig. Gen. Michele Anayron Jr. nga anaa na lang sa 12 (DOSE) ka armadong sakop sa North Central Mindanao Regional Committee (NCMRC) ang nahabilin sa Caraga Region human sa sunod-sunod nga operasyon sa militar.
Sa nahitabong engkwentro niadtong milabayng adlaw, malampusong narekober sa kasundalohan ang lima ka tag-as nga matang sa armas lakip na ang duha ka mga lawas sa napatay nga rebelde.
Target karon sa 4ID nga hingpit nga masanta ang nahabilin pang 18 ka miyembro sa Bukidnon-Agusan boundary sa dili pa ang gitakdang pag-retiro sa ilang opisyal.
Mapasalamaton ug inspirado ang heneral sa kaisog sa iyang mga tropa nga determinado gayud nga tapuson ang problema sa internal security sa ilang hurisdiksyon.
Gipasalig ni Anayron nga moretiro siya nga dunay dakong garbo tungod sa kalampusan sa iyang mga sakop sa pagpanalipod sa kalinaw sa rehiyon. (jane mae abulag)
