Gitun-an pa sa House Committee on Justice ang posibilidad nga ma-imbitar o ipasubpoena sila kanhi Ombudsman Samuel Martires, Col. Raymund Lachica, ug Col. Dennis Nolasco sa impeachment hearing batok ni Vice President Sara Duterte.
Gibutyag ni Rep. Terry Ridon, abli ang komite sa pagpaminaw sa ilang bahin ug sa uban pang nalakmitan ni Ramil Madriaga, ang self-confessed bagman.
Gipahayag ni Ridon nga may katungod usab ang mga napangalanan nga motubag ug ipresentar ang ilang kamatuoran sa komite.
Gi-review usab sa magbabalaod ang Facebook page sa “ISIP Pilipinas” ug mga regional chapters niini, lakip ang Binangonan, Rizal branch.
Nakita ni Ridon nga ang grupo nag-promote sa party-list diin si Reynold Munsayac, kanhi OVP spokesperson, mao ang first nominee sa 2022 elections.
Alang kaniya, nakadugang kini sa kontrobersiya nga naglibot sa paggamit sa confidential funds sa OVP.
