Bukas ang mga lumad sa Bukidnon sa ideya sa inclusivity ug pag‑uyon sa modernong panahon kauban ang kultura sa mga Higaonon ug uban pang tribo sa probinsya.
Sumala ni Datu Jumong o Jomorito Goaynon sa iyang pakighinabi sa Bombo Radyo, walay problema ang pagmoderno basta dili mawala ang tinuod nga kinaiya, tradisyon ug kabilin sa mga lumad.
Giingon pa niya nga ang kultura ug tradisyon dili angay ilisan, kundili ipabilin ug ipasigarbo bisan pa sa pag‑uswag sa teknolohiya ug sistema sa katilingban.
Busa, iyang gipunto nga importante ang balanse tali sa pagdawat sa modernong pamaagi ug sa pagpreserbar sa kabilin sa tribo.
