Magpabiling priso si kanhi Presidente Rodrigo Duterte sa International Criminal Court (ICC) human gidismiss sa Appeals Chamber ang tanang grounds of appeal nga gisang-at sa iyang depensa.
Hiniusang gibasura nila Judges Luz del Carmen Ibáñez Carranza, Tomoko Akane, Solomy Balungi Bossa, Gocha Lordkipanidze, ug Erdenebalsuren Damdin ang tanan petisyon, gikan sa jurisdiction challenge, interim release, hangtod sa ika-upat nga ground of appeal.
- Namahayag ang korte nga lig-on gihapon ang hurisdiksiyon sa ICC bisan pa sa pag-withdraw sa Pilipinas sa Rome Statute niadtong 2019.
- Napakyas usab ang depensa sa pagpamatood nga sayop ang gigamit nga proseso sa Pre-Trial Chamber.
- Gitin-aw ni Carranza nga ang hangyo nga buhian si Duterte gikonsiderar nga “moot” o wala nay epekto kay napakyas sila sa ilang petisyon.
