ag-atubang pa og kahimtang sa “suspension” sa pipila ka aspeto sa relasyon ang House of Hope Foundation ug ang city government sa Cagayan de Oro.
Matod ni Wilson Amad, adunay mga proseso ug diskusyon nga padayon nga ginahimo tali sa foundation ug sa city government pinaagi sa ilang mga lider ug board members.
Iyang giingon nga bisan pa niini nga sitwasyon, nagpadayon gihapon ang operasyon sa House of Hope ilalom sa pagdumala ni Monsignor Eutiquiano Legitimas.
Sa laing bahin, giklaro usab ni Rev. Msgr. Legitimas, PC, chairman sa board of directors sa House of Hope Foundation, nga bukas ang foundation sa posibleng kolaborasyon uban sa lokal nga kagamhanan, ilabi na sa aspeto sa financial assistance aron mas mapalig-on ang ilang serbisyo.
Sumala pa niya, importante nga adunay klaro ug hapsay nga sistema sa pagdumala aron malikayan ang mga kalibog ug masiguro ang kalig-on sa operasyon.
Gipasiugda ni Legitimas nga padayon karon ang ilang paningkamot sa paghatag og mas maayong serbisyo samtang naghulat pa sa pormal nga resolusyon sa ilang kahimtang uban sa city government.
