Kumpyansa ang Department of Justice (DOJ) nga makauli sa Pilipinas si kanhi Ako Bicol Partylist Representative Zaldy Co.
Sumala ni Justice Secretary Fredderick Vida, 99% siyang sigurado nga mabalik sa nasud ang puganteng Kongresista apan wala siya makahatag sa tukmang petsa sa pagbalik niini.
Sa kasamtangan, gi-andam ang hustong proseso samtang gi-respeto ang kagawasan sa gobyerno sa Czech Republic nga adunay hurisdiksyon sa kaso.
Mahinumduman nga si Justice Secretary Vida uban ni Justice Chief State Counsel Dennis Chan anaa sa Czech Republic aron makigpulong sa mga awtoridad sa maong nasud.
