Adunay duha ka posibilidad si Vice President Sara Duterte aron ma-dismiss ang ikaduhang impeachment complaint batok kaniya.
Kini ang gipadayag ni Atty. Jayvee Hinlo, VP PDP for Visayas, sa iyang interbyu sa Bombo Radyo.Una, iyang gilaraw nga kung maabot ang kaso sa Senado, posible nga didto siya modaog kon dili makab-ot ang gikinahanglan nga boto alang sa conviction.
Ikaduhang posibilidad, matod pa niya, anaa sa Korte Suprema kon kini maghukom nga sayop ang proseso nga gihimo sa House of Representatives ug supak sa Konstitusyon.
Butyag ni Hinlo nga kung mahitabo kini, mahimong ma-invalid ang tibuok proseso sama sa nahitabo sa nag-unang mga kaso kaniadto.
Samtang nagpadayon ang mga lakang, iyang giingon nga kinahanglan pasagdan ang legal nga proseso aron mahibaw-an ang katapusang resulta sa maong isyu.
