Gihatagan og katin-awan ni City Mayor Rolando “Klarex” Uy sa press conference nga dili mangutang ang dakbayan alang sa pagtukod sa City College.
Hinuon, giingon sa mayor nga ang daang City Hall maoy himuon ug tukoran sa City College aron mahimong pasilidad sa kolehiyo nga ibutang sa sentro sa dakbayan.
Giklaro ni Mayor Uy nga sayop ang gihunahuna sa pipila batok sa maong programa, ug iyang giingon nga gibuhat lamang kini sa iyang mga kaatbang sa politika aron baliktaron ang maayong tumong sa programa nga alang sa kaugmaon sa mga magtutungha sa syudad.
Bisan pa niini, giingon niya nga dili kini makapugong o makawala sa iyang determinasyon.
Iyang gikataw-an na lamang ang mga istorya nga nagpalibot ug nagpadayon sa pagsalig sa iyang mga department heads nga nasayod sa iyang tinuod nga tinguha—ang paghatag og tinuoray nga serbisyo sa katawhan.
