Gi-anunsyo ni Senate President Pro Tempore Panfilo “Ping” Lacson nga pito na ka senador ang mipirma sa partial committee report sa Senate Blue Ribbon Committee kalabot sa anomalya sa mga flood control projects.
Ang pinakabag-ong mipirma mao si Senator Raffy Tulfo, samtang lakip usab sa mga nag-pirma sila Senators Erwin Tulfo, Risa Hontiveros, Bam Aquino IV, Francis “Kiko” Pangilinan, Senate President Vicente “Tito” Sotto III, ug siya.
Apan, sumala ni Lacson nga kulang pa kini sa gikinahanglan nga siyam ka pirma aron ma-presentar sa plenaryo ang report, subay sa rules sa Senado.
Sa iyang privilege speech, iyang gibutyag nga hapit tulo ka bulan nang pending ang report ug nga ang mga sulod niini validated na ug dili na bag-o. (phillip ariata)
