Gibutyag sa Malakanyang nga halos 3-ka tuig nang walay komunikasyon si Presidente Ferdinand Marcos Jr ug ang iyang igsoon nga si Senadora Imee Marcos.
Matod ni Palace Press Officer Undersecretary Atty. Claire Castro, mismo ang Presidente ang nag-ingon nga dili motambong sa mga family gatherings ang Senadora.
Gipasalig sa Malakanyang nga walay dautang pagbati si Presidente Marcos Jr bisan pa nga nadismaya siya sa pipila ka pahayag sa Senadora nga naghulagway sa ilang relasyon nga “non-existent”.
Gipanghimakak usab sa Malakanyang ang giingon ni Senadora Marcos nga nag-import sa repolyo ang Department of Agriculture ug gitawag kini nga “fake news.” (Phillip Ariata)
